रोज पांडुरंगाच्या मंदिरातून घंटेचा आवाज येत असे. वाक्यप्रकार ओळखा.

उत्तर- रोज पांडुरंगाच्या मंदिरातून घंटेचा आवाज येत असे हे रीती भूतकाळाचे वाक्य आहे.

वरील वाक्यात पांडुरंगाच्या मंदिरातून घंटेचा आवाज येण्याची क्रिया सातत्याने घडत आलेली असून ती क्रिया पूर्ण देखील झालेली असल्यामुळे हे वाक्य रीती भूतकाळाचे आहे असे म्हणता येईल. 

Important Pointsरीति भूतकाळ / चालू पूर्ण भूतकाळ - भूतकाळात एखादी क्रिया सातत्याने घडत आलेली असून ती क्रिया पूर्ण देखील झालेली असते. अशा काळाला चालू-पूर्ण भूतकाळ किंवा रीती भूतकाळ असे म्हणतात.

उदा. बाळ दररोज शाळेत जात असे.

रीती भविष्यकाळ - भविष्यकाळात एखाद्या घटनेची पुनरावृत्ती होईल हे दर्शविण्यासाठी हा काळ वापरतात. उदा. रोज पांडुरंगाच्या मंदिरातून घंटेचा आवाज येत जाईल.

रीती वर्तमानकाळ / चालू पूर्ण वर्तमानकाळ - वर्तमानकाळात एखादी क्रिया सतत घडत असल्याची रीत दाखविली तर त्याला रीती वर्तमानकाळ असे म्हणतात. उदा. रोज पांडुरंगाच्या मंदिरातून घंटेचा आवाज येत असतो.

अपूर्ण/चालू भूतकाळ - एखादी क्रिया मागील काळात चालू होती किंवा घडत होती म्हणजेच त्यावेळेस ती क्रिया अपूर्ण होती तेव्हा क्रियेच्या त्या अवस्थेला अपूर्ण भूतकाळ/चालू भूतकाळ असे म्हणतात. उदा. रोज पांडुरंगाच्या मंदिरातून घंटेचा आवाज येत होता.

Additional Informationकाळाचे प्रमुख तीन प्रकार पडतात.

               1. वर्तमानकाळ

               2. भूतकाळ

               3. भविष्यकाळ

वर्तमानकाळ - क्रियापदाच्या रूपावरून क्रिया आता घडते आहे असे जेव्हा समजते तेव्हा तो काळ वर्तमानकाळ असतो.

भूतकाळ - जेव्हा क्रियापदाच्या रूपावरून क्रिया पूर्वी घडून गेलेली असते असा बोध होतो तेव्हा त्या काळाला भूतकाळ असे म्हणतात

भविष्यकाळ - क्रियापदाच्या रूपावरुन जेव्हा एखादी क्रिया ही पुढे घडणार आहे, याची जाणीव होते, तेव्हा त्या काळाला भविष्यकाळ असे म्हणतात.