लक्ष्मीकांत या सामासिक शब्दाचा विग्रह करा.

विभक्ती बहुव्रीही समास - ज्या समासाचा विग्रह करतांना शेवटी एक संबंधी सर्वनाम येते अशा सर्वनामाची जी विभक्ती असेल त्या विभक्तीचे नाव समासाला दिले जाते त्याला विभक्ती बहुव्रीही समास असे म्हणतात.

लक्ष्मीकांत हे समानाधिकरण विभक्ती बहुव्रीही समासाचे उदाहरण आहे.

विग्रह - लक्ष्मी आहे कांता ज्याची तो - विष्णू (प्रथमा विभक्ती)

बहुव्रीही समासाचे खालील चार उपपक्रार पडतात.

Additional Informationविभक्ती बहुव्रीही समासाचे दोन प्रकार पडतात.

i) समानाधिकरण - या समासात विग्रह करताना दोन्ही पदे एकाच विभक्तीत असतात.

उदा. लंबोदर - लंब आहे उदर ज्याचे असा तो - गणपती (प्रथमा विभक्ती)

ii) व्याधिकरण - या समासात विग्रह करताना दोन्ही पदे भिन्न विभक्तीत असतात.

उदा. चक्रपाणि - चक्र आहे पाणित असा तो - विष्णू (प्रथमा/सप्तमी विभक्ती)

2. नञ् बहुव्रीही समास - ज्या समासाचे पहिले पद नकारदर्शक असते त्याला नत्र बहुव्रीही समास असे म्हणतात. या समासातील पहिल्या पदात अ, न, अन, नि अशा नकारदर्शक शब्दांचा वापर केला जातो.

उदा. अनंत - नाही अंत ज्याला तो

3. सहबहुव्रीही समास - ज्या बहुव्रीही समासाचे पहिले पद सह किंवा स अशी अव्यये असून हा सामासिक शब्द एखाधा विशेषणाचे कार्य करतो त्यास सहबहुव्रीही समास म्हणतात.

उदा. सहपरिवार - परिवारासहित असा जो

4. प्रादिबहुव्रीही समास - ज्या बहुव्रीही समासाचे पहिले पद प्र, परा, अप, दूर, सु, वि अशा उपसर्गानी युक्त असेल तर त्याला प्रादिबहुव्रीही समास असे म्हणतात.

उदा. प्रबळ - अधिक बलवान असा तो