पुढीलपैकी संयुक्त क्रियापद असणारे वाक्य कोणते?

स्पष्टीकरण-

क्रियापद- क्रियापद म्हणजे वाक्याचा अर्थ पूर्ण करणारा क्रियावाचक शब्द होय.

उदा. बसणे. धावणे, चालणे इ. 

क्रियापदाचा विचार करतांना क्रियापदांच्या अन्य प्रकारांचा ही विचार करावा लागतो. जसे की-

1. संयुक्त-सहायक क्रियापदे
2. सिद्ध व साधित क्रियापदे
3. प्रयोजक व शक्य क्रियापदे
4. अनियमित क्रियापदे
5. भावकर्तृक क्रियापदे

Important Pointsसंयुक्त क्रियापदे-

• जे क्रियापद धातुसाधित व सहाय क्रियापद मिळून बनले असते, अशा क्रियापदाना संयुक्त क्रियापदे असे म्हणतात.
• पण त्याला एक अट असते ती म्हणजे या संयुक्त क्रियापदाने दर्शविलेली क्रिया एकच असायला हवी. त्या दोन वेगवेगळ्या असून चालणार नाही.
  • उदा. तू बाजारात जाऊन ये.
• 'जाऊन ये' हे संयुक्त क्रियापद आहे. येथे जाण्याची क्रिया व येण्याची क्रिया अशा दोन क्रिया नसून जाऊन ये याचा अर्थ 'जा' असा होतो. यातील दोन शब्दांनी मिळून एकाच क्रियापदाचा बोध होतो.
• संयुक्त क्रियापदात दोन धातूंपैकी एक धातू मुख्य तर दुसरा गौण असतो.
  • उदा. हे पुस्तक लिहून टाक. ह्यात लिह हा धातू मुख्य, टाक हा धातू गौण. मात्र संयुक्त क्रियापद नसलेल्या रचनांत दोन्ही धातू मुख्य असतात.
• अशाप्रकारे तू बाजारात जाऊन ये या वाक्यात तू बाजारात जा हाच अर्थ अभिप्रेत आहे. त्यातील 'ये' हा धातु गौण अर्थी वापरला आहे.

अशा प्रकारे तू बाजारात जाऊन ये हे संयुक्त क्रियापद असणारे वाक्य आहे.